جمالك يابت سحرنى وأسرنى ..........بقلم // عبدالحميد المرسى

جمالك يابت سحرنى وأسرنى
خلانى أشوف الدنيا كلها بساتين
همسك نغم أصيل بيشق ف العتمه

ويبدر بذور الأمل ف قلوب العاشقين
أنا اللى دايب دوب ، شللاه ياسيد
بقيت من المجازيب لعيونك الحلوين
و انا اللى من عبيرك يوماتى بتعطر
واتباهى لكونى ملك الرياحين
أما عليكى ابتسامه لما قلبى يسمعها
بيطير كما الفراشه العاشقه للياسمين
خلاصة القول يانسمه بتداوى
قلوب ف العشق باتوا مجروحين
قلبى عليل ودواه بقى انتى
انتى طبيبى مهما يلومونى اللايمين
ــــــــــــــــــــــــــــــــــــــــــــــــــــ
عبدالحميد المرسى